Fandriampahalemana

Alakamisy Fenoarivo Tratra ireo mpivarotra sy mpividy rongony

Fandriampahalemana
Alarobia 04 Novambra 2020

Lehilahy roa mpivarotra sy mpividy rongony no tratra teny Alakamisy Fenoarivo afak’omaly alatsinainy tokony ho tamin’ny 12 ora atoandro.

Tratra tao an-tranony ny lehilahy iray niaraka tamin’ny fonosana rongony miisa 14 rehefa nidina ifotony ny polisin’ny STUP taorian’ny nahazoany ny loharanom-baovao avy tamin’ny olon-tsotra. Nisy lehilahy iray ihany koa tao niaraka taminy ka rehefa nosavaina dia nahatrarana fonosan-drongony iray teny aminy. Avy hatrany dia nentina teny amin’ny Sampan-draharaha miady amin’ny zava-mahadomelina sy fipariahan’ny zava-mahadomelina eny Anosy izy roalahy ireo hanaovana fanadihadiana. Nolazain’izy ireo fa olona mandalo moa no hakany ireo rongony hamidiny ireo fa tsy mahalala izay nihaviany izy. 5000 Ar no hamarotany ny fonosana iray. Natolotra ny fampanoavana omaly izy mirahalahy.

Pati