Fandriampahalemana

Alakamisy Fenoarivo Jiolahy 2 rotiky ny balan’ny zandary

Fandriampahalemana
Alarobia 06 Septambra 2023

Nirefodrefotra ny basy teny Alakamisy Fenoarivo omaly takariva tokony ho tamin’ny 6ora hariva, raha ny vaovao azo.

Jiolahy manodidina ny 4 no voalaza fa nikasa hanafika «Quincaillerie». Nifanehitra tamin’ny zandary anefa izy ireo, ka raikitra ny fifampitifirana. Vokany, 2 maty voatifitra, ary nisy ihany koa iray naratra ka voasambotra, ary iray hafa voalaza fa tafaporitsaka. Sarona niaraka tamin’ireo lavo sy voasambotra ny basy mahery vaika marika kalachnikov, sabatra lava lela, barre à pince,... Nisy horonan-tsary fohy niparitaka tao amin'ny tambajotra "facebook", ka voalaza fa iray tamin'ireo jiolahy ireo ny iray, izay niafina tao ambany kamio sy hita nitsoaka, rehefa naheno poa-basy.
Nangonin’i Toky R