Fandriampahalemana

Ady amin’ny zava-mahadomelina Olona 13 naiditra am-ponja tao anatin’ny telo volana

Fandriampahalemana
Alakamisy 04 Jona 2020

Nanao tatitra mikasika ny asa vitany tao anatin’ny telo volana izany hoe : nanomboka ny volana mmartsa ka hatramin’ny volana may teo ny sampan-draharaha misahana ny ady amin’ny zava-mahadomelina etsy Anosy.

Fantatra tamin’izany fa nahatratra 8 ny isan’ireo tranga niseho teto an-drenivohitra raha nahatratra 13 isa kosa ireo olona natao fanadihadiana. Nilanja 185,255 kg ny zava-mahadomelina nogiazana tamin’izany raha naiditra am-ponja vonjy maika avokoa ireo olona 13 isa ireo. Vehivavy ny iray amin’izy ireo raha araka ny fantatra. Tsiahivina moa fa tamin’ny 12 mey lasa teo no nahatrarana ity vehivavy ity niaraka tamina fonosan-drongony maromaro.

Pati