Fandriampahalemana

Ady amin’ny tsy fandriampahalemana Norakofana jiro ny faritra maro eny Antehiroka

Fandriampahalemana
Zoma 18 Novambra 2022

Tena mirongatra izaitsizy ny tsy fandriampahalemana eto amintsika. Tsy andro tsy alina izany fa tena mahazo vahana tanteraka,

antony hanaovan’ny kaominina maro hetsika handrakofana jiro ireo toerana be mpampiasa nefa kizokizo ao amin’ny faritra misy azy. Ho an’ny Kaominina Antehiroka dia tao amin’ny faritra Ambatotokana, Fokontany Antanetibe sy faritra Ambavafitana Fokontany Ankadivory no nanaovany izany asa izany hahafahana miaro ny ain’ny mponina sy ny fananany. Mizotra tsara ihany koa ny asa fanamboaran-dalana rarivato ao amin’ny faritra Ambatotokana Fokontany Antanetibe izay efa nampitaraina ny mponina an-taonany maro. Ankoatra ny fandrakofana jiro ny tanana moa dia efa miroso amin’ny fanentanana ny mponina ny kaominina Antehiroka amin’izao mba samy hitandrina sy ho mailo indrindra amin’izao ankatoky ny fankalazana ny fetin’ny Noely sy ny faran’ny taona izao.
Nangonin’i Pati