Ady amin’ny tsy fandriampahalemana

Haverina hiasa ireo « caméras de surveillance »

Fandriampahalemana
Alarobia 22 Jolay 2026

Tapaka nandritra ny filan-kevitry

ny minisitra omaly 21 jolay ny famerenana hiasa indray ny OTME (Office des Transmissions Militaires de l’Etat). Hisahana manokana ny fikirakirana ireo « caméras de surveillance » efa misy sy ireo izay mbola hapetraka eran’ny tanàna ity sampan-draharaha ity. Tanjon’izany ny hiantohana sy hanamafisana ny fandriampahalemana manoloana ireo tranga fakàna an-keriny izay mirongatra tato ho ato. Nankatoavin’ny filan-kevitry ny minisitra ihany koa ny didim-panjakana manangana ny « Task Force » iadiana amin’ny fakàna olona an-keriny. Zava-dehibe izany amin’ny lafiny iray, fa izao fanapahan-kevitra izao aloha izany dia midika fa tsy nampiasaina sy tsy niasa ireo teo aloha na nandaniana vola aza. Ilaina tokoa amin’ny lafiny iray, ary mety hanampy, eny fa na hiteraka tahotra tsy hanaovan’ireo tsy mataho-tody ratsy eny amin’ny toerana misy azy ireny aza saingy tsy haharakotra ny toerana rehetra, fa ny irariana dia hisy vokany tokoa ny fampiasana itony teknolojia itony.
Toky R