Fandriampahalemana

Ady amin’ny tsy fandriampahalemana ao Tanjombato Tsy hiandrasana fanampiana amin’ny fanjakana foibe

Fandriampahalemana
Talata 16 Martsa 2021

]Misy ny fiaraha-miasa amin’ny fanjakana foibe amin’ny resaka fitandroana ny filaminam-bahoaka ao Tanjombato,

hoy ny ben’ny tanàna ao an-toerana, Tovo Rakotojohary. Na tsy asan’ny kaominina aza fa ailika any amin’ny polisim-pirenena, ohatra, dia iarahanay misalahy, hoy izy. Ireo mpangalatra ireo tsinona dia anatin’ny fiarahamonina ihany. Mila jerena miaraka noho izany ny fanentanana eo anivon’ny vakim-paritra sy fokontany ary ny vaomieran’ny fandriampahalemana. Tsy hiandrasana fanampiana any amin’ny fanjakana foibe ny fampandrosoana fa ianao no mahalala ny zava-misy ao amin’ny kaominina iadidianao dia miainga amin’izay fahafahana misy aloha no hihetsehana. Iaraha-mahalala ny fahantrana mahazo antsika. Ny vokatry ny krizy tamin’ny taon-dasa dia tsy ho moramora ny fanarenana azy. Nisy fiantraikany tamina fihariana maro iny ary izay no antony ilazana hoe aleo miasa satria afaka sady miasa isika no mitandrina ny resaka fahasalamana, hoy hatrany izy.

J. Mirija