Fandriampahalemana

Ady amin’ny asan-dahalo Nandroso vahaolana ny FIMPIOMBY

Fandriampahalemana
Zoma 01 Septambra 2017

Misedra olana ireo mpiompy omby manerana ny foko 18 amin’izao fotoana noho ny tsy fandriampahalemana.

Ankoatra ny fananana very dia misy hatrany ny aina afoy matetika, antony nananganan’izy ireo ny fikambanana, hoy ny filoha nasionalin’ny FIMPIOMBY, Randimbielson. Tanjon’izy ireo ny hamongotra ny halatra omby miainga eny ifotony ka hatrany amin’ny fivarotana ny henany mba ho fiarovana ny harem-pirenena. Nanolotra vahaolana maro hahafahana miady amin’ny asan-dahalo ny fikambanana ary mangataka toky fiarovana avy amin’ny mpitondra. Anisan’ireny ny tokony hamongorana ireo fitaovam-piadiana miparitaka toy ny basy tsy mazava sy ny kalaky, ny Mas36, indrindra ireo tambajotra mpivarotra basy sy bala tsy ara-dalàna. Ny fanaovana sesitany ireo lehiben’ny dahalo na an-tanety na ambony latabatra, ny fananganana sy fampiharana ny dina ifotony toy ny kalôny, famonjena koka, hazolava, fisavana kizo sy kijanan’omby, famatsiam-bola ireo tovolahy vonona hiala amin’ny asan-dahalo…

Pati