ADY AMIN'NY TSY

FANDRIAMPAHALEMANA

Fandriampahalemana
Alakamisy 19 Febroary 2026

Horakofana jiro ny tanana ao Alasora

Horakofana jiro avokoa ireo Fokontany mandrafitra ny kaominîna Alasora, distrikan'Avaradrano ho enti-miady amin'ny tsy fandriampahalemana. Raha tsiahivina tokoa mantsy dia mbola maro amin'ireo mponina eny an-toerana no mivelona amin'ny asa fivarotana ka mivoaka maraina mandeha maka entana. Tsy vitsy koa ireo mpianatra sy mpiasa tratra alina mila fiarovana. Izany indrindra no nanosika ny kaominina hanao izao ezaka goavana izao ka Fokontany miisa 2 tamin'ity herínandro ity no efa nahazo tombontsoa ankoatra ireo efa mañana izany. Anisan'ireny ny Fokontany Ambohimarina sy Est Mahazoarivo. Fantatra moa fa mbola hitohy hatrany ny hetsika. Toraka izany moa ny famongorana ireo tontakely ao an-tanana hiarahana amin'ny mpitandro ny filaminana izay vao avy nisamborana jiolahy miisa roa raindahiny amin'ny vaky trano sy ny halatra moto. Nampikolay ny mponina fatratra izy ireo saingy tratra ihany. Niaiky izy roalahy fa trano miisa 6 no efa novakiany.... Hatolotra ny fampanoavana tsy ho ela izy ireo.
Pati
Légende : Efa mazava tahaka izao ny ao Ambohimarina !