Fandriampahalemana

67 ha Atsimo Tovolahy iray tratra nitazona rongony

Fandriampahalemana
Alarobia 17 Novambra 2021

Tovolahy iray no voatery nosamborin’ny Polisim-pirenena avy ao amin’ny CSP7 teny 67 ha Atsimo ny ny 13 novambra lasa teo rehefa nitazona rongony

. Nandritra ny fisafoana nataon’ny Polisy vao maraina teny amin’ireo toerana ahiahiana hisehoana trangana tsy fandriampahalemana eny 67 ha no nahitana ity lehilahy ity izay nanao fihetsika hafahafa. Nanapa-kevitra ny hanakana sy hisava azy avy hatrany ireo mpanao fisafoana nandritra izany ka rongony miisa 02 fonosana no tra-tehaka tany aminy. Niaiky moa izy fa novidiany 2.000 ariary teny amin’ny manodidina ireo rongony ireo izay hofohany tsotra izao fa tsy hamidiny intsony akory. Taorian’ny fanadihadiana dia natolotra ny fampanoavana ny raharaha ka naiditra am-ponja vonjimaika tamin’ny alatsinainy 15 novambra teo ny lehilahy.
Pati
Legende : Ity ilay lehilahy tratra nitazona rongony