Actualités

Zazavavy 2 tsy ampy taona nanaraka lehilahy Tsy hita nandritra ny 10 andro

Actualités
Zoma 12 Jona 2015

Raha ny toy izao no mitohy dia potika tanteraka ny hoavin�ny ankizivavy izay lasa kely veta. Ankizivavy roa tsy ampy taona (14 sy 15 taona) izay mbola mpianatra no nanjavona tsy hita popoka ary tsy nody tany an-tranon�ny ray aman-dreniny nandritra ny 10 andro

. Rehefa tafaverina izy ireo, afak’omaly, vita ny sitrapon’ireto voatavo efa mifandraka ireto ka nofotorana dia nilaza fa nanaraka lehilahy sipany tany Saint-Augustin, kaominina iray 30 km atsimon’i Toliara.

Ankizy mpianatra mivaro-tena

Nilaza ny tsy hanaiky mora izao ny ray aman-dreniny fa hitory an’ireo tovolahy nitondra ny zanany. Nahagaga ny rehetra nanatrika anefa ny nilazan’ireto ankizivavy roa tsy ampy taona tsy voafehin’ny ray aman-dreniny ireto intsony, fa « raha gadrainareo izy roalahy sipanay ireto dia higadra hanaraka azy any izahay, satria tianay ireo ». Nangasihasy ireo ray aman-dreny menatra olona. Raha ny loharanom-baovao dia mitombo isa saika isan’andro ireo mpianatra mivaro-tena ao Toliara. Lasa entam-barotra ivelomana ny zazavavy tsy ampy taona.

Eric R.