Actualités

Zaza tsy ampy taona mividy sigara Tsy azo atao, voararan’ny lalàna

Actualités
Sabotsy 24 Martsa 2018

Tsy azo atao ary voararan’ny lalàna tanteraka ny maniraka zaza tsy ampy taona mividy sigara eny anivon’ireo toeram-pivarotana enta-madinika eto amintsika. Zary lasa adino tanteraka anefa izany ankehitriny, antony mampahazo vahana ny tsy fanarahan-dalàna sy ny gaboraraka misy eto amin’ny firenena.

Ankizy ny 40 %-n’ireo mividy sigara eny amin’ireny toeram-pivarotana ireny, araka ny fanadihadiana natao tamina toeram-pivarotana iray etsy Anosy ka ny sasany dia mividy ho azy dia mifoka mihitsy. Irahin’ny ray aman-dreniny kosa ny sasany. Antony mahatonga ny zaza hifoka sigara sy handray mahadomelina sahady ny fihetsiky ny ray aman-dreny, hoy Ramamonjisoa Haja, filohan’ny ONG Ny Sahy miady amin’ny fidorahana mahadomelina. Heverin’ny ankizy fa tsara ka ianarany. Ny tena loza dia hirahiny handrehitra sigara ny ankizy ka lasa fahazaran-dratsy ho azy. Efa miezaka mitety ireo sekoly manerana ny Nosy ny ONG Ny Sahy ankehitriny mampianatra ny ray aman-dreny ny fomba fitaizana ny ankizy manoloana ny fandraisana ny mahadomelina, saingy vitsy ireo tena maharitra.

Pati