Actualités

Zavaboary any Atsimo Noraketina boky ny hakantony

Actualités
Zoma 20 Novambra 2015

Namoaka boky vaovao mirakitra ireo harena voanajahary sy kanto misy any amin�ny ala maiky (alan-tsilo) any Atsimo andrefan�ny Nosy ny WWF.

Omaly no nampahafantaran’izy ireo tamim-pomba ofisialy ny fisian’izany izay nambaran-dRatsifandrihamanana Nanie, tale ao amin’ity ivontoerana iray ity fa toerana tena kanto tokoa, ahitana ireo karazam-biby tsy fahita raha tsy ao amin’iny faritra iny ihany hahafahana misintona sy misarika mpizahatany. Hanampy antsika amin’ny fampandrosoana ny fizahantany ny fisian’io ala maiky feno biby mivelona io, hoy hatrany izy, koa iantsoana ireo mpiara-miombon’antoka vonona ny hifanome tanana. Tonga nanatrika sy nanome voninahitra ny fotoana ny minisitry ny tontolo iainana Ralava Beboarimisa izay nanambara fa anisan’ny fanetriben’ny toerana manana ny maha izy azy tahaka ireny ny doro tanety izay tena mahazo vahana tokoa tato ho ato arahin’ny fiovaovan’ny toetr’andro. Tsy maintsy hisy ny fiaraha-miasan’ny minisiteran’ny tontolo iainana sy ny minisiteran’ny fambolena hahafahana mijery akaiky izay fomba ho enti-manarina izany, hoy izy.

Pati