Actualités

Zandary sy Polisy Tokony haverina ao amin�ny Atitany

Actualités
Zoma 27 Martsa 2015

Nampieritreritra ny tenin�Atoa Mara Niarisy, solombavambahoakan�i Madagasikara voafidy tany Ankazoabo.

Ny alarobia lasa teo teny amin’ny Antenimieram-pirenena raha nandray fitenenana ny tenany dia nilaza fa tena mihetraketraka no tsy manaja ny antanatohatry ny fahefana intsony ny ankamaroan’ireo manamboninahitra zandary mitantana ireny kompania ireny sy ny kaomisera mitazona ny kaomisaria eo anivon’ny distrika. Tsy manaja intsony ny fahefana ananan’ny lehiben’ny distrika izay mitarika ny fahefana mpanatanteraka eo anivon’ny distrika. Tsy lehiben’izy ireo, hono, ireny fa ny sekreteram-panjakana miadidy ny zandary sy ny minisi-panjakana misahana ny filaminana anatiny ihany no afaka mibaiko azy. Raha te-hatanjaka ity fitondran’ny Hvm ity, hoy ny depiote Mara Niarisy dia tokony haverina eo ambany fiahian’ny minisiteran’ny Atitany ny zandary sy ny polisim-pirenena. Sao dia mba izay tokoa indray no mety ho vahaolana amin’ity fomba mamohehatra ataon’ny mpitandro ny filaminana sasany itony ka mahatonga ny vahoaka tsy hametraka fitokisana amin’izy ireo intsony izay efa lasa mangidy hoditra rahateo. Dia hiverina mankany amin’ny Repoblika voalohany kanefa atao ahoana moa.

Andry Ratovo