Actualités

Partagé sur :
• facebook

Ny alatsinainy 25 oktobra teo no niakatra fampanoavana sy mpitsara mpanao famotorana ilay raharaha fanafihana nataona jiolahy, ny volaben’ny ladoany mitentina 60 tapitrisa ariary izay saika nandoavana ny tambin-karaman’ny mpiasa.

Araka ny fehin-tenin’ny fampanoavana taorian’ny famerenana ny tranga nisy marina nandritra ny fanafihana ny volan’ny ladoany teo akaikin’ny fiangonana St Joseph Ampasimazava, dia tafiditra ho mpiray tsikombakomba ity mpiasan’ny ladoany ity noho ny fiheveran’ny mpitandro ny filaminana nanao ny fanadihadiana, fa misy sinema natao tao nahavery ity volaben’ny ladoany ity. Teo koa ny tsy fanarahana ny fitsipika sy didy navoakan’ny fanjakana mikasika ny fakana volam-panjakana, izay tsy maintsy arahina mpitandro ny filaminana mitam-basy hatrany. Nanaraka izay koa ny mpitsara mpanao famotorana, ka raha nivoaka ny didy voalohany ny talata 26 oktobra teo, dia nampidirina am-ponja vonjimaika ity mpiasan’ny ladoany ity, nahazo fahafahana vonjy maika kosa ny “receveur” mpisolo toerana na izy mirahalahy aza no niara-naka ny vola teny amin’ny banky foibe tao Toamasina tamin’io tolakandron’ny alarobia 20 oktobra nitrangan’ny fanafihana io.

Vola saika hanomezana ny tabin-karama efa fanome ny mpiasan’ny ladoany aorian’ny fanadihadiana ny ezaka arak’asa ataon’ny mpiasa ireo vola ireo, ka tafiditra ao avokoa ny mpiasan’ny ladoany eo anivon’ny Galana, ny eny anivon’ny Tetikasa Ambatovy ary ny miasa eo anivon’ny seranan-tsambo sy ny fanangonan-ketra ao Ampasimazava. Araka ny vaovao farany, mba tsy hisian’ny fitokonana sy korontana indray eo anivon’ny mpiasan’ny ladoany tokony hahazo ity vola tambin-karamany ity, dia efa nahita hevitra ny hanoloana azy io ny tomponandraikitra izao, ka ho azo tsy ho ela izany. 

Tia Tanindrazana

Samia mijoro ho an'i Gasikara.