Actualités

Veterinera Mbola vitsy eto Madagasikara

Actualités
Sabotsy 17 Martsa 2018

Omaly no natao tetsy amin’ny hotel Ibis Ankorondrano ny fanakatonana ilay tetikasa AVSF (Agronome et véterinaire sans frontiers) Asara Fagnatsara.

Tetikasa izay vatsin’ny vondrona eoropeana vola mitentina 316 087,01 Euros na 1 214 847 101 Ar (1Euro=3843Ar) tany amin’ny faritra Atsimo sy Atsimo Atsinanan’i Madagasikara. Naharitra 22 volana ity tetikasa ity izay natao tany amin’ny distrika 3 ka ny tanjona dia ny fanatsarana ny fahasalaman’ny biby fiompy amin’ny ankapobeny. Nisy ny fametrahana ny vaksiny tany ambanivohitra izay nanofanana ireo olona Mpiompy Mpanampy amin’ny Asa Veterinera (MMAV). 12 herinandro ny fiofanana an-tsoratra sy pratika manaraka ny fiofanana (Approche Par Compétence) ary tsy mila fahaizana ambony be ny fifehezena enti-mikarakara sy mitsabo ny biby. Olana araka izany ny fahavitsin’ ny veterinera miasa eto Madagasikara ka izany no nanomezana fiofanana ireo mpiompy mpanampy ireo. Tsy ampy ihany koa ilay 22 volana satria distrika 3 ihany no voakasika amin’ny faritra misy fiompiana maro eto Madagasikara.

Tsiry