Actualités

Varotra menaka rongony teny Namontana Olona efatra no sarona, vehivavy ny iray

Actualités
Zoma 18 Septambra 2015

Nahazo vaovao avy amin�ny olona tsara sitrapo ny polisy avy ao amin�ny SAG etsy Anosy fa misy olona mivarotra menaka rongony eny Namontana. Nanao ny vela-pandrika ny polisy ny talata 15 septambra teo ka nifanao fotoana teny amin�ny Rond Point Be Namontana tamin�ireo mpivarotra menaka rongony.

Nifanarahana tamin’izany fa 400.000 Ariary no hividianana ny 1 litatra. Tao anaty fiara karetsaka moa ireo mpivarotra tamin’io fotoana io. Tsy nety namoaka ireo menaka rongony anefa izy ireo raha tsy nahita vola. Rehefa nahita izany ireto farany dia navoakany ireo menaka rongony tao anaty bidon 20 litatra miafina ao anaty gony. Niditra an-tsehatra ny polisin’ny SAG nisambotra azy ireo. Rehefa nahita izany ilay saofera dia vaky nandositra. Tra-tehaka tamin’izany ny lehilahy roa sy vehivavy iray ary ny menaka rongony na “Goudron” 36 litatra. Nentina nanaovana fanadihadiana tany amin’ny birao ireto farany. Tamin’ny fanadihadiana azy ireo dia avy any Ambanja ireo menaka rongony ireo. Natolotra ny fampanoavana omaly izy ireo.

Pati