Actualités

Vahoakan’i Soamahamanina Tsy hanaiky ny fiverenan’ny Sinoa

Actualités
Talata 04 Jolay 2017

Nanao fanambarana tetsy amin’ny biraon’ny sampana iombonana misahana ny fananantany (SIF) tetsy Ampefiloha omaly ireo solontenan’ny vahoakan’i Soamahamanina.

Araka ny fitarainan’izy ireo dia tantsaha ny 85%-n’ireo vahoaka any an-toerana ary tsy hanana diplaoma hahafahana mitady asa aty an-drenivohitra rehefa voatery hiala amin’ny taniny. Mampanahy anay, hoy izy ireo, ny tenin’ny filoham-pirenena tamin’ny fotoam-bita mikasika ny fiverenan’ireto sinoa ireto ary vonona izahay hiady hatramin’ny farany sy tsy hanome ho an’olom-bitsy ny taninay. Ny 1%-n’ny mponina ihany, hoy izy ireo, no manaraka ireo sinoa ary vokatry ny tsilian-tsofina henonay fa nisy fivoriana nataon’izy ireo ny 20 mey teo no nahatonga anay hanao ity fanambarana miantefa amin’ny filoham-pirenena ity.

Mirija