Actualités

Tsiroanomandidy Navotsotry ny fitsarana ilay mpanao taratasin’omby hosoka

Actualités
Alakamisy 07 Desambra 2017

Velon-taraina ireo mpisehatra amin’ny fiompiana omby mivondrona ao amin’ny FIMPI Omby manoloana ny famotsoran’ny fitsarana ilay olona voalaza fampanasonia ny taratasin’omby hosoka tany Tsiroanomandidy.

Olona 8 no voasambotry ny zandary ny volana novambra teo noho ny resaka halatra sy trafikana omby. Niakatra fitsarana izy ireo ny alatsinainy 4 desambra teo ka ny olona roa nampidirina am-ponja vonjimaika fa navotsotry ny fitsarana kosa ny olona 6 hafa,anisany ilay voatondro ho mpanasonia ny bokin’omby hosoka.Manaitra ny sain’ny tompon’andraikitra isan-tsokajiny izahay manoloana izao zava-misy izao, hoy Randrimbielison William avyaoamin’ny FIMPI Omby Madagasikara fa tena misy zavatra tsy milamina.Olona efa fantatra izao fa mpanasonia taratasin’omby sandoka ve dia avotsotra.Izao no mampirongatra ny asan-dahalo sy ny halatr’omby any amin’ny faritra Bongolava, hoy izy.Matanjaka ilay tambajotra ary tsy voakitikitika mihitsy ireo mpanadio taratasin’omby.Voalaza moa fa mpiasam-panjakana ao amin’ny kaominina Kiranomena ao anatin’ny distrikan’i Tsiroanomandidy ity olona mpanadio taratasin’omby navotsotry ny fitsarana ity, hoy hatrany ny filohan’ny FIMPI Omby Madagasikara.

RTT