Actualités

Tsiafahy Ampanofaina iray hetsy ariary ny basy

Actualités
Alarobia 13 Oktobra 2010

Ahofa ny basy rehefa tsy ampiasain’izy ireo. Iray hetsy ariary ny hofan’izany miaraka amin’ny bala maromaro mandritry ny alina iray. Sarona ihany ireto jiolahy izay fantatra fa tompon’andraikitra tamin’ny fanafihana tany Behenjy, Antsirabe, Ambatolampy, Ambatofahavalo, Soavina-Atsimondrano, Alasora ary Ambohimanarina. Mbola voalaza ihany koa fa izy ireo no saika hanafika ny Jeneraly Rasolomahandry, Cemgam teo aloha, tetsy Alasora. Ny borigadin’ny zandarimaria ao Andoharanofotsy no nahasarona ireto jiolahy ireto. Miisa valo izy ireo ary mbola nahatrarana basy PA miisa roa marika Prowing sy PATT nandritra ny fisafoana izay nataony tao Ambohimanasoa-Ambohimihaja, kaominina Tsiafahy. Ny roa amin’ireo dia mpamatsy bala sy basy izay hofaina iray hetsy ariary, araka ny fantatra nandritra ny fanadihadiana. Ny iray hafa mpanao faktiora sandoka hanadiovana ny entana halatra. Ny efatra ambiny no tena mpanafika. Tsy tapitra teo fa mbola misy ny fikarohana ireo jiolahy hafa ambiny miriaria ary miray tendro amin’izy ireto.

r.d