Actualités

Tsangambato Lietn� Randriamaromanana Albert Simba sa niniana nofafana ny soratra teo aminy ?

Actualités
Alatsinainy 06 Desambra 2010

Raha sendra mandalo amin�ny lalana manamorona ny Tobin�ny Rezimanta miaramila voalohany Analakely ianao, ka manopy maso eo amin�ilay tsangambato naorina manemitra ny fefin�ity Toby ity dia hahatsikaritra fiovana.

Fiovana hafakely satria dia nanjavona tampoka teo ireo soratra voarakitra teo amin’ilay tsangambato. Soratra izay nivaky toy izao : “Tsangambato natsangana ho fahatsiarovana ilay maherifon’ny firenena : Lietna Randriamaromanana Albert, maty notifirin’ny tafiky ny mpanjanatany frantsay, teny Ankatso ny marainan’ny alarobia 18 aprily 1948 noho ny adim-panafahana ny 29 martsa 1947. Izay maty ho an’ny tanindrazana, Velona mandrakizay ao ampon’ny Vahoaka.”

Samy manontany tena izay nahita io tranga io, saingy sady tsy mahita no tsy mahazo valiny mazava ny anton’io fiovana io, ka dia visavisa sisa mandeha hoe simba sa niniana nokosehina tsotra izao ny soratra teo ? Raha ny fahitana azy aloha dia mahakely finoana ihany ny hoe simba ny soratra. Mbola eo rahateo ny takelaka vy niraketany. Mirona kokoa any amin’ny nokosehina ny eritreritry ny maro.

Koa eo no lasa ny saina aman’eritreritra hoe : misy mahatsiaro ho voatohintohina amin’ilay andalan-tsotra hoe “maty notifirin’ny tafiky ny mpanjanatany frantsay” ve ka miezaka mamafa izany ? Tantara tsy azo kosehina anefa io, ary izay no maha tohina ireo bekotro maroholatra, indrindra fa ny fianakavian’ny Lietnà Randriamaromanana Albert. Ity farany izay marihina fa anisan’ireo tia tanindrazana maritioran’ny tolompanafahana 1947. Tsy nandingana fa mbola taona nahatsiarovana ny faha-50 taona niverenan’ny fahaleovantena no nisian’izao tranga izao ary ao anatin’ny fotoana sy vanimpotoana iventesana ombieny ombieny ny hambompom-pirenena sy fitiavan-tanindrazana. Mba lasa ihany ny saina, eo anatrehan’izany !

Jean D.

Sary : Tsangambato Lietnà Randriamaromanana Albert eo amin’ny Toby RM1 Analakely