Actualités

Tr�sor Hakaton�ny mpiasa ny birao anio

Actualités
Alarobia 12 Mey 2010

Hikatona avokoa ireo sampandraharahan’ny tahirim-bolam-panjakana na ny Trérsor manerana ny Nosy anio alarobia 12 mey ho fampiharana ny fanapahan-kevitr’ireo mpiasa. Fitokonana fanairana no atao mba hampitsaharan’ny fitondrampanjakana ny fanenjehana ny mpiasa. Raha ny voalazan’ny peta-drindrina hita eny amin’ny biraon’ny sampandraharaha etsy Antaninarenina dia ny mpiasa hatrany no iharan’ny rihitra, miditra am-ponja noho ny hosoka amin’ny taratasim-bola sy tolo-bidy tsy manaraka ny fepetra ataon’ireo tompon’andraikitra sasantsasany. Takian’izy ireo, araka izany, ny fametrahana ny «Conseil de discipline budgétaire et financiaire» sy ny fanavaozana sy fanitsiana ny lalàna mifehy ny fitantanam-bolam-panjakana ary ny fanavaozana ny sata mifehy ny mpitam-bolam-panjakana. Izany no atao dia hisian’ny asa aman’andraikitra mazava amin’ireo sampandraharaha amin’ny fitantanam-bolam-panjakana sy ny fitehirizam-bolam-panjakana.

Andry