Actualités

Tratry ny krizy Mitsoaka an-daharana ny mpianatra

Actualités
Zoma 15 Oktobra 2010

Mihena ny tahan’ny fampidirana mpianatra eny amin’ny sekolim-panjakana vokatry ny krizy. Tsy araka ny ray aman-dreny ny saram-pianarana ka dia betsaka amin’ireo mpianatra mbola tokony hanohy fianarana no voatery mitsoaka an-daharana, misy amin’ireo kilonga tokony hisantatra sekoly koa aza no voatery nihemotra ny fandiavany ny tokotanin-tsekoly, noho io tsy fisiam-bola io ihany. Raha ny zava-misy amin’iny fari-piadidiam-pampianarana Tolagnaro iny ohatra dia fantatra fa niakatra ho 20.000Ar isan-jaza ny saram-pisoratana anarana eny amin’ny CEG. Betsaka amin’ireo ray aman-dreny, indrindra ireo manana zaza roa no mihoatra mianatra amin’ny sekoly ambaratonga faharoa, no voatery mampitsahatra amin’ny fianarana ny zanany noho ny tsy fisiam-bola.

Fa raharaha iray mahoraka ao Tolagnaro ihany koa ny disadisa misy eo amin’ny “économe” sy ny “proviseur” ao amin’ny Lycée. Araka ny fantatra dia namoaka naoty ity farany mampiato amin’ny asany ny “économe”. Mazava fa manda izany ity farany satria didim-panjakana no manendry azy ho amin’io toerana io. Misy fiantraikany eo amin’ny fampandehanana ny fampianarana ao amin’ity lycée ity izany.

Nangonin’i Jean D.