Actualités

Tranombokim-pirenena Anosy Voninkazo an-jatony no haranty ao an-toerana

Actualités
Alakamisy 19 Martsa 2015

Anisan�ny voninkazo iray manadio ny tontolo iainana ny ampanga aorian�ny palmier, indrindra taorian�ny tondra-drano niseho teto amintsika. Misy karazany maro izy io, azo atao ao an-tokantrano, eny an-davarangana na eny an-jaridaina ihany koa.

Anisan’ny mampiavaka ny varotra fampirantiana voninkazo etsy amin’ny tranombokim-pirenena Anosy karakarain’ny fikambanana ceinture verte ny fisian’io karazam-boninkazo iray io. Nanomboka omaly alarobia ny hetsika haharitra telo andro. Ankoatra ny ampanga dia karazam-boninkazo an-jatony no hamidy ao an-toerana, manomboka amin’ny 3.000 Ar ny vidiny raha mahatratra ana hetsiny kosa ny sasany toy ny orchidée ... Nomarihin’ny filohan’ny fikambanana Rakotoson Vololona moa fa mbola tafiditra ao anatin’ny fankalazana ny andro maneran-tany ho an’ny vehivavy ny hetsika saingy voatery nahemotra kely noho ny fiaraha-miory tsy maintsy notanterahin’izy ireo tamin’ireo mpiray tanindrazana traboina sy namoy ny ainy.

Patty