Actualités

Tranom-printim-pirenena Fahombiazana ny taona 2016

Actualités
Talata 10 Janoary 2017

Fahombiazana tanteraka ny taona 2016 ho an�ny tranom-printim-pirenena etsy Ambatomena.

Raha 1 miliara Ar mantsy ny tombombarotra azony tamin’ny taon-dasa dia tafakatra 3 miliara Ar izany nandritra iny taona nivalona iny noho ny fahaiza-mitanatana nasehon’ny taleny Randriamboavonjy Jean Angelson. Tsy nandalo fatiantoka mihitsy ity orinasam-panjakana iray ity, tsy mila fanampiana avy amin’ny fanjakana ihany koa sady tsy mangataka fa mahavelon-tena. Miantso ireo tompon’andraikitra isan-tsokajiny ananany trosa ny tranom-pirintim-pirenena mba handoa izany hahafahan’izy ireo miasa. Ankoatra izay dia fantatra fa efa vitan’ny tranom-printim-pirenena ny fikarohana amin’ny fanontana ilay kara-panondro biômetrika, misy « puce » ary mahasolo kara-pifidianana avy hatrany ankehitriny. Mbola miankina betsaka amin’ny fitondram-panjakana anefa ny hahafahana manatanteraka izany na tsia. Anisan’ny tombony amin’ny fampiasana ity kara-panondro biômetrika ity, hoy Randriamboavonjy Jean Angelson, ny ady amin’ny hala-bato mandritra ny fifidianana satria tsy afaka mamerina mifidy amina toerana iray intsony ny olom-pirenena iray efa nahavita izany. Notsiahiviny moa fa isika eto Madagasikara irery sisa no tsy mampiasa azy io fa ny any ivelany rehetra dia efa mampiasa azy avokoa.

Pati