Actualités

Tovovavy 19 taona Tsy nahavita Bacc fa nahazo zaza

Actualités
Sabotsy 22 Aogositra 2015

Faly sahirana ity tovovavy iray 19 taona mpiadina nanala fanadinana bakalorea tao Toliara, afak�omaly maraina. Nahazo zanaka (teraka) nefa ny fanadinana tsy maintsy najanona.

Raha ny fanazavana azo dia nihetsi-jaza tao amin’ny toeram-panadinany izy, ka tsy maintsy nentina namonjy haingana mpampivelona. Teraka soa aman-tsara tamin’ny 9 ora sy sasany ary lahikely nilanja 2,900 g ny zanany, izay salama tsara, raha ny nambaran’ny mpampivelona.

Fitia voarara

Rehefa nitoe-jaza tamin’ny sipany izay mbola mpianatra ihany koa ity tovovavy ity dia tsy neken’ny ray aman-dreniny esorina ny zaza tao am-bohoka, ary tsy nankany an-tsekoly intsony izy fa nanaraka « cours ». Nahatsikaiky fa tonga hijery an-janany ny olon-tiany (sipany) nefa noroahin’ny ray aman-drenin-drazazavavy. Raha ny vaovao voaangona dia nifankatia ireto tanora, nefa nolavin’ny ray aman-dreninin’ilay kala ny fiarahan’izy ireo, noho ny saranga sy fiaviana tsy mitovy. Fitia voarara !