Actualités

Toliara Saika nirehitra ny fonja

Actualités
Alatsinainy 21 Jona 2010

Zava-doza ity nitranga tany Toliara omaly tolakandro ity. Nirehitra ny tsena tao Bazary be ary saika may hatramin’ny fonjaben’i Toliara. Ireo tsena 30 may tany an-toerana omaly mantsy dia mifanila vodirindrina amin’ny fonja. Araka ny voalazan’ireo tompon’ny tsena may tany an-toerana dia niniana natao mihitsy ity fandoroana tsena ity.

Raha ny voamariky ny mpijery kosa tamin’ity fahamaizana ity dia maro tamin’ireo tsena may no an’olona mpiavy. Tsy mbola fantatra kosa hatreto izay tena antony marina nahatonga izao fahamaizana izao. Tsy nisy ny naratra na namoy ny ainy, saingy betsaka tamin’ireo tompon’ny tsena may no torana nahita ny firehetana. Misokatra ny fanadihadiana.