Actualités

Toliara Hitokona 48 ora ny mpampianatra

Actualités
Alarobia 19 Mey 2010

Marisarisa ny tontolon’ny fampianarana ao Toliara ao. Nampirehitra ny afo ny disadisa nateraky ny fiadian-toerana ho Proviseur ao amin’ny Lycée Laurent Botokeky. Re indray izao fa dia hitokona mandritra ny 48 ora, anio alarobia sy rahampitso alakamisy ny mpampianatra ao Toliara. Mbola ny loharanom-baovao avy any an-toerana no mitatitra fa hanomboka eny amin’ny Lycée io ary mety hitatra amin’ny toeram-pianarana hafa. Ny mpiasam-panjakana aloha hatreto no fantatra fa hiroso amin’io fitokonana io. Tsy nambara mazava kosa ny endrika hisehoan’izany. Ny hany fantatra dia resaka fisondrotana karama 10% nampanantenaina, ny hasin’ny mpanabe sy ny mpampianatra amin’ny ankapobeny no fototr’ity grevy ity. Fitokonana fanairana ihany izy ity, raha ny loharanom-baovao ihany. Ny mpitondra ny Fahefana Avon’ny Tetezamita, tamin’ny alalan’i Camille Vital, Praiminisitra, dia nampitandrina fa handray andraikitra raha misy manao fihetsiketsehana, koa dia ho hita eo ihany ny tohin’izany.

Nangonin’i Jean D.