Toamasina Tratra ireo miaramila nitsoaka an-daharana nanafika Toby 1

RM3

Actualités
Alarobia 28 Aprily 2010

Saron�ny zandary ny talata 27 aprily antoandro ireo miaramila roa lahy nahavanona ny halatra fitaovam-piadiana tao amin�ny Toby miaramila 1/RM3 Toamasina. Tao amin�ny fokontany Analakininina Hopitaly be no nahatrarana azy ireo.

Niara-nisalahy tamin’ny fisamborana azy roalahy ireto ny zandary manao ny fanadihadiana sy ny miaramila. Nandritra ny fisamborana no nahitana tao an-tranon’izy ireo, raha nosavaina, fitaovam-piadiana avo lenta sy mahery vaika, izay tsy fampiasa raha tsy eo anivon’ny tafika ihany. Teo ny bala fampiasa amin’ny fitifirana fiaramanidina sy fiara mifono vy miaraka amin’ny boaty roa feno bala tsy mbola nisokatra. Nisy koa ny “obus” fametraka amin’ny “lance rocket” miisa efatra hita tao anaty boaty tsy mbola nisokatra. Ity fitaovam-piadina ity kosa dia mahagorobaka rindrina ary ny iray aminy fotsiny dia manapotika zavatra goavana. Teo koa ny fanamiana miaramila maromaro amin’ny maha zazavao vao nivoaka azy ireo farany teo. Ankoatra ireo ny basy Kalachnikov iray lasan’izy ireo nandritra ny fidarohana nataon’izy roalahy miaramila ireto ny mpiambina, izay mbola niaraka tamin’ny “chargeurs” sy ny bala dimy.

Miaramila nitsoaka an-daharana vao roa volana ireto nanafika Toby ireto. Ny sabotsy alina nifoha ny alahady teo, no nitrangan’ity zavatra hafahafa teo anivon’ny Toby miaramila 1/RM3 Toamasina. Avy ao an-dakozian’ny miaramila no nivoahan’izy roa lahy ireto rehefa vitany ny “opération” tao. Miaramila maro no nanaovana fanadiadiana manodidina ity raharaha ity.

Mandeha ny feo fa mila ho isak’alina no andrenesana fa voaendaka sy voadaroka avokoa izay olona mihazo ny moron-dranomasina mandalo ny lycée Rabemananjara iny, ary teo no nivoahan’ny feo fa manao fitenin’ny avy any Menabe ireo mahavanon-doza. Mitovy amin’izany koa ny feon’ireto miaramila nanafika ny mpiambina ny Toby 1/RM3 ireto ka izay no antony nanamora ny fikarohana ka izao nahitam-baliny ny talata antoandro izao.

Nangonin’i Jean D.