Actualités

Toamasina Misy sambo mitondra aretina avy any Liberia

Actualités
Alakamisy 17 Septambra 2015

Efa tena mby an-koditra ve ny fahasahiranana sy ny tsy fananam-bola no dia efa manao tian-kano tsy tian-kano ny fitondram-panjakana Malagasy ?

Noraisina ao amin’ny seranan-tsambon’i Toamasina nanomboka ny talata teo ilay sambo “Northern Endurance” mirefy 208 metatra kanefa dia fantatra izao fa sambo mety hitera-doza amin’ny tontolo iainana sy amin’ny fiarahamonina noho ity sambo ity feno biby mitondra loto sy aretina. Ny zoma 11Septambra teo no saika hiditra tao amin’ny nosy la Réunion io sambo io saingy nolavin’ny “Prefecture” tany an-toerana noho izy mety hitera-doza amin’ny fahasalaman’ny vahoaka. Ao Toamasina anefa ankehitriny io sambo io. Voalaza ao amin’ny mombamomba azy rehefa nohadihadiana fa avy any Liberia, firenena rotiky ny valanaretina Ebola ny sambo “Northern Endurance” ary voasokajy ho Cargo Hazard B (AIS Type) na mitondra akora tena mamparary. Asa indray izay fanazavana ho entin’ny fitondram-panjakana Malagasy amin’ity fampidirana sambo mitondra akora simika mankarary ao Toamasina ity.