Actualités

Tetikasam-panjakana momba ny tontolo iainana Mitaky fangaraharahana ny Collectif tany

Actualités
Talata 05 Martsa 2019

Araka ny filankevitry ny minisitra natao ny 27 febroary teo, hoy ny fikambanana Collectif tany, dia toerana miisa 4 dia Antsiranana, Fianarantsoa, Toliara samy tampon-tanàna ary Analamanga no voakasiky ny tetikasam-panjakana momba ny tontolo iainana na ilay hoe horakofana ala I Madagasikara.

Mifamatotra amin’izay moa, araka ny fanazavana, dia hisy koa ireo fotodrafitrasa voatery hanohintohina ny fivelomana sy ny fonenan’ireo mponina toy ny fanavaozana sy fanamboaran-dalana sy asa fanamboarana hafa ho amin’ny filan’ny olom-pirenena. Mitaky ny mangarahara mikasika izany, araka izany, ity fikambanana ity ary mametraka fanontaniana maro toy ny hoe rehefa alana amin’ny toerana nivelomany ireo mponina dia mankaiza? Ahoana ny fiahiana ara-tsosialin’izy ireo mandra-pahavitan’ireo foto-drafitrasa? Ary mba isan’ny hisitraka ny fahavitan’izany foto-drafitrasa izany ve izy ireo?

J. Mirija