Actualités

Tetikasa �Grand Tana� Novelomina indray

Actualités
Talata 24 Martsa 2015

Mametraka ho laharam-pahamehana ny fanatsarana ny fiainan�ny mponina an-tan�n-dehibe sy ny fanatsarana ny toerana onenany ny fitondram-panjakana ka manomboka miresaka indray ilay tetikasa goavana � Grand Tana � na ny fanamboarana, fanatsarana sy fanitarana an�Antananarivo Renivohitra mba ho azo iainana kokoa noho ny misy amin�izao fotoana.

Nampiantso ireo teknisianina, manampahaizana momba ny mari-trano, mpandraharaha sy ny firaisamonim-pirenena teny Iavoloha omaly ny filoha Hery Rajaonarimampianina ho fandinihana ity tetikasa goavana ity. Tsy ny fanjakana irery ihany no voakasiky ny fanatsarana fa ny olom-pirenena tsirairay dia samy tompon’andraikitra, hoy ny filoha. Zavatra tsy maintsy alamina, ohatra, ny momba ny lakan-drano sy ny fanariana ny rano maloto sy efa avy niasa mba ialana amin’ny fisian’ny tondra-drano lava eo an-drenivohitra. Tsy zava-baovao moa ny tetikasa « Grand Tana » fa efa anisan’ireo tao anatin’ny fandaharanasan’ny fitondrana Ravalomanana niaraka tamin’ny MAP ny taona 2006 ka izao novelomina izao indray satria hita sy tsapan’ny rehetra fa tena ilaina.

Nangonin’i RTT