Actualités

Tetibola 2016 �Hazavao ho fanta-bahoaka !�

Actualités
Alatsinainy 23 Novambra 2015

Ilaina hazavaina sy ho fanta-bahoaka ny votoatin�ny tetibolam-panjakana 2016, hoy ny avy eo anivon�ny fiarahamonim-pirenena.

Tsara hampandraisana anjara manomboka amin’ny famolavolana, ny fampiharana sy ny fanaraha-maso azy io ihany koa ireo sehatra samihafa. Mifantoka amin’ny teboka efatra lehibe ny fanamarihana miaro fanontanian’ny firaisamonim-pirenena momba ny tetibola ampiasain’ny firenena Malagasy amin’io taona 2016 hitsidika io. Tena eo am-pelatanan’ny mpitondra fanjakana marina ve ny fitambaran’ny bolongam-bola voalaza an-taratasy dinihana eny amin’ny Antenimieram-pirenena ? Mivoaka amin’ny fotoana ampiasana azy tokoa ve ny tetibola isan-tsokajiny ? Tena ampiasain’ireo minisitera sy rafi-panjakana samihafa amin’ny ilana azy tokoa ve ny vola mivoaka ary ahoana no azo andrefesana ny lalàna mifehy ny tetibola amin’ny fiainana andavanandron’ny mponina ? Soso-kevitra ihany moa ireo hanampiana ny mpitondra mahefa amin’ny fitantanana mahomby ny raharaham-pirenena izay tokony hametraka ho laharam-pahamehana ny lafiny sosialim-bahoaka toy ny fahasalamana sy ny fanabeazana, araka ny fahitan’ny fiarahamonim-pirenena azy.

Nangonin-dRamano F.