Actualités

Teknolojia vaovao Mitady mpiara-miasa ny orinasa �United Touch Group�

Actualités
Alakamisy 20 Mey 2010

Sehatra miroborobo eto amintsika tokoa ankehitriny ny teknôlôjia vaovao. Raha ny mahazatra hatramin’izay dia any ivelany no miantsena ireo orinasa malagasy ka ireo firenena aziatika toa an’i Thailande, Chine ary Dubai no tena falehany. Ankehitriny anefa dia efa misy koa na dia vitsy aza ny orinasa vahiny mitady mpiara-miasa eto an-toerana vonona handray ny entany. Nisantatra izany ny orinasa «microsoft» izay arahan’ny orinasa «United Touch Group» avy any Taiwan Chine ankehitriny. Ny orinasa «Grace Madagascar» izay manana ny biraony eny Ivato no solontenany eto Madagasikara. Kazarana entana efatra no vokariny izay itadiavany mpiara-miasa eto an-toerana ka ny teknôlôjia tsy mampiasa tariby na «sans fil» no tena voafehiny. Nampahafantarina tetsy amin’ny Café de la Gare omaly ny santionany amin’ireo vokatry ny orinasa ireo toy ny «caméra». Nanamarika Raharison Tojo izay tompon’andraikitry ny serasera ao amin’ny Grace Madagascar fa ananany fahaiza-manao koa ny resaka tambajotra «Intranet».

Yves