Actualités

Taxi tsy ara-dalàna Andro aman’alina ny fanenjehana

Actualités
Alakamisy 10 Aogositra 2017

Mitohy hatrany ny ezaka hataon’ny kaominina Antananarivo renivohitra amin’ny famongorana ireo fiara karetsaka tsy ara-dalana eto amintsika.

Ho an’ireo 15 isa efa tratra teo aloha dia efa nampidirina fourriere nandritra ny folo andro izy ireny, raha araka ny fanazavan-dRaveloson Landy, tale misahana ny fitaterana eo anivon’ny kaominina, nasaina nandoko ny fiarany ho loko hafa ihany koa ho an’ireo nangalatra ny loko beige crème izay vao nahazo ny antontan-taratasin’ny fiarany. Mbola hitohy hatrany izany raha araka ny fanazavany ka manomboka amin’ny faran’ny volana dia hisy ny asa mitohy eny fa na dia amin’ny andro alina aza. Na izany aza anefa dia nomarihiny fa mbola vao eo an-dalam-pamolavolana izany tetikasa izany ny teniny miaraka amin’ny filohan’ny fikambanan’ny fiara karetsaka eto an-drenivohitra. Mikasika ny tokony hanafoanana ilay soratra TAXI eo amin’ny valahin’ny fiarakaretsaka amin’izao fotoana dia nomarihiny manokana fa efa nisy ny resaka nifanaovany tamin’ny sampandraharaha misahana ny fitsarana fiara noho izany tsy tafiditra ao anatin’ny fepetra hitsarana ny fiara karetsaka intsony izy ireny.

Pati