Actualités

TAXI-BE AN�I MAHITSY Leo ny teny ratsin�ireo mpamily ny eny Antohomadinika

Actualités
Sabotsy 07 Janoary 2017

Ela ny ela fa leon�ny teny ratsin�ireo mpamily sy ny tabataban�izy ireo ny Fokontanin�Antohomadinika.

Handray fepetra izy ireo araka izany ka fantatra fa tsy mahazo miantsona eo amin’ny toby fiantsonany etsy Antohomadinika intsony manomboka ny Alatsinainy ho avy izao izay taxi-brousse miazo an’i Mahitsy rehetra tsy manara-dalàna. Diso be loatra mantsy ny tsy fanarahan-dalàna hataon’ireo taxi-be miazo an’i Mahitsy ireo hoy ny sefom-pokontany toy ny fitabatabana vao maraim-be manakorontana ny mponina, ny teny ratsy sy ny teny maloto tsy fihainon’olom-pady, ny fanaovana maloto any an’elakelan’ny fiara izay miteraka fofona manamaimbo ny tanàna… Amin’ny ankapobeny ihany koa hoy izy dia fiara miisa sivy ihany no tokony ho zakan’ity toby fiantsonana ao Antohomadinika ity saingy noho ny fiaraha-miasa nisy hatramin’izay dia niezaka ny nandefitra ny Fokontany sy ny mponina. Nanambara moa itsy voalohany fa efa eo am-pikarakarana ny taratasy mifandraika amin’izany alefa amin’ny isan’ambaratongany ny tenany mba ho tombontsoan’ny mponina. Nilaza kosa anefa ireo mpitatitra rehefa nohadihadiana fa misy fijerena tavan’olona ity fanalana azy ireo eo Antohomadinika ity noho izany tsy hihetsika eo amin’ny toerany izy ireo.

Pati