Actualités

Tapatapany

Actualités
Alarobia 02 Septambra 2015

ODR Tapaka nanomboka tamin�ny volana janoary 2015 ny famatsiam-bolan�ny �Observatoire Du Riz�. Nikatso niaraka tamin�ny fahatapahan�io famatsiam-bola io ihany koa ny fanaraha-maso ny vidim-bary eny an-tsena, hoy ny tompon�andraikitra ao amin�ity vovonana ity.

Vidin-tsolika

Nidina 40 dolara ny vidin’ny barila iray amin’ny solika amin’izao fotoana izao raha 44 dolara izany teo aloha. Afaka roa volana kosa vao hisy akony amin’ny vidin-tsolika eto amintsika io fidinana io, hoy ny avy ao amin’ny ofisy Malagasy misahana ny solika. Fe-potoana handaniana ireo ambim-bava miaraka amin’ny faharetan’ny fotoana fanafarana vokatra avy any ivelany io 60 andro io, hoy ihany ny OMH.

Antenimieram-pirenena

Hotanterahana afaka roa herinandro farafahatarany ny fivoriana tsy ara-potoan’ny Antenimieram-pirenena. Efa tratra mantsy ny isan’ireo solombavambahoaka maro an’isa manohana ny fitondrana ka azo hirosoana amin’izay ny fandaniana ireo volavolan-dalàna toy ny fanitsiana ny tetibolam-panjakana 2015.

Mpahay toekarena

Tsy fotoanan’ny fitrosam-bola avy amin’ireo mpamatsy vola an’i Madagasikara izao, hoy ireo mpahay toekarena. Hampitotongana tanteraka ny toekarena Malagasy ny firosoana amin’izany ankehitriny, hoy izy ireo. Afaka manarina ny lafiny ekonomika rahateo isika, araka ny fanamarihan’izy ireo.