Actualités

TAPATAPANY

Actualités
Zoma 28 Aogositra 2015

Paramed Hanatanteraka Kongresy nasionaly any Antsohihy ny fianakaviamben�ny Paramed eto Madagasikara ny 31 aogositra ka hatramin�ny 4 septambra 2015. Andiany faha-11 io, sady hamaranana ny fankalazan�izy ireo ny faha-10 taona nijoroan�ny fikambanana sy ny faha-5 taonan�ny sendika.

Kolikoly
Hatolotra ny Chaine pénale anti-corruption anio, ny Tale jeneralin’ny Jirama sy mpikambana taloha tao amin’ny Filankevi-pitantanan’ny Jirama, mba hotsaraina noho izy ireo voarohirohy amina raharaha kolikoly sy fanodinkodinana vola amina miliara tao anivon’ity orinasam-panjakana ity. Ny Bianco no nandray an-tanana ny fanadihadiana azy ireo.

SECES
Hanatanteraka Filankevitra nasionaly tsy ara-potoana ny sendikan’ny mpampianatra mpikaroka eny amin’ny anjerimanontolo anio tontolo andro, eny amin’ny Centre Mariazy Mirindra Ambohipo. Hisy fanambarana hataon’izy ireo aorian’ny dinika sy fikaonan-dohan’izy ireo.

Ankazoabo Atsimo
Nafindra ao amin’ny Toby miaramilan’ny Holafy faha-515 ireo miaramila naratra nandritra ny fifandonana tamin’ny dahalo ny alarobia teo, ao no manohy ny fitsaboana ho fiarovana ny ain’izy ireo.

Fanambaram-pananana
Minisitra roa sy depiote telo no tonga nanao fanambaram-pananana teny amin’ny Fitsarana avo momba ny lalàmpanorenana hatramin’ny fiandohan’ity volana ity.