Actualités

Taona 2017 Ratsy fiatomboka

Actualités
Zoma 13 Janoary 2017

Zandary iray sahady no namoy ny ainy vokatry ny fifandonana tamin�ny dahalo tamin�ny fiandohan�ity taona 2017 ity.

Vokatry ny tsy fahampian’ny rotsak’orana dia niha ritra ihany koa ny ranon’Ikopa ankoatra ireo any amin’ny faritra sy ny ao Mantasoa izay efa nanomboka tamin’ny taon-dasa. Vokatr’io tsy fahampian-drano io no antony mahafaty ireo karazan-trondro sasantsasany sy tsy azo hanjifana azy ireny, araka ny fanazavana azo avy eo amin’ny minisiteran’ny jono. Miha mafy ihany koa ny fahatapahan-jiro amin’ireo faritra maro eto Antananarivo, toa an’i Soanierana sy Antanimena ary Betongolo. Ho an’ny any amin’ny faritany aza moa dia voadoro vokatry ny hatezeram-bahoaka any an-toerana sahady ny Jirama ao Andapa, raha ny vaovao tamin’ny faran’ny herinandro teo. Fitaovana fampitana angovo na « transformateur » roa ihany koa no may vokatry ny hafanana tafahoatra nihatra tamin’ny Jirama ao Ambositra sy ao Anosibe Mandrangobato. Vao omaly maraina tamin’ny 1 ora mahery kely moa dia nihorohoro mihitsy ny tany satria dia horohorontany nahatratra 5,5 eo amin’ny mari-drefy Ritchter no heno hatraty an-drenivohitra tamin’io mangiran-dratsy io.

Mirija