Actualités

Taona 2017 Ho avy masiaka ireo mpiaro faritra arovana

Actualités
Alatsinainy 02 Janoary 2017

Mirongatra be ny fahapotehan�ny tontolo iainana eto Madagasikara.

Tsy mahamenatra ireo mpitrandraka harena ankibon’ny tany tsy ara-dalàna intsony mihitsy mantsy ny miditra any amin’ireo faritra arovana, hoy ny FAPBM (Fondation pour les Aires Protégées et la Biodiversité de Madagascar). Sarotra rahateo ny manakana ireto mpandroba harem-pirenena ireto raha tsy misy ny fanampiana sy tohana avy amin’ny fanjakana mahefa sy ireo mpampiasa vola vahiny, araka ny fanazavan’ireo fikambanana mpiaro ala fady eto Madagasikara. Ho avy masiaka anefa ireto farany manomboka amin’ity taona vaovao 2017 ity, araka ny voarakitra ao anatin’ny fifanarahana natao sonia tamin’iny faran’ny taona 2016 iny. Hanokana vola 2 tapitrisa dolara na 6 miliara ariary moa ny fikambanambe mpiaro ireo faritra arovana, ireo biby sy zavamaniry eto Madagasikara sy ireo mpitantana ala fady manerana ny nosy. Hisitraka io famatsiambola io ny velarana 3.275.348 ha ao anatin’ireo toerana voaaro miisa 36.

Ramano F.