Actualités

Solika maimaim-poana mandritra ny taona Lasan-dRazanamahenina Serge ny loka ho an’Antananarivo

Actualités
Talata 01 Aogositra 2017

Lasan-dRazanamahenina Serge, raim-pianakaviana iray ny loka tamin’ilay lalao Shell Extra Challenge, nokarakarain’ny orinasa Vivo Energy sy ny tobim-pivarotan-tsolika Shell.

Afaka omaly Alahady hariva no nanaovana ny lalao famaranana teny Iavoloha ho an’ny teto Antananarivo tamina halaviran-dalana 58 km ka namilian’ireo mpamily roalahy farany niatrika ny dingana famaranana nampiasa ilay fiara marika Suzuki Jimny. 2,52 litatra ny solika lanin’ity Raim-pianakaviana iray ity tamin’izany, tamina lalana mirefy 58 km. Solika maimaim-poana mandritra ny 12 volana no azon’ity raim-pianakaviana iray ity mitovy amin’ireo mpifaninana roa nivoaka ho mpandresy tany Antsirabe sy Toamasina. Hotanterahina ny 06 aogositra ho avy izao moa ny fifaninana farany ho an’ireo Raim-pianakaviana telo nivoaka ho mpandresy ireo ka izay mahay mamily mitsitsy indrindra no hityondra hody ilay fiara Suzuki Jimny vokarin’ny orinasa Sicam izay mpanohana akaiky ny hetsika.

Pati