Actualités

Soavimasoandro: Karana iray nisy naka an-keriny indray

Actualités
Talata 25 Aogositra 2015

Vao ny zoma teo no navotsitr�ireo naka azy an-keriny ilay teratany karana tompon�ny tranombarotra Conforama dia nandeha be indray ny resaka fa nisy teratany karana

hafa indray nisy naka an-keriny teny Soavimasoandro omaly tolakandro. Ny mponina teny an-toerana dia nanamarina ny fisian’ny fisamborana fa ny teny anivon’ny mpitandro ny filaminana kosa tsy nahazoam-baovao mihitsy. Ireo teratany karana ireo rahateo moa tsy mampita vaovao amin’ny mitandro ny filaminana izany intsony rehefa misy zava-manjo azy ireo.

Tao anatin’ny herinandro izay dia tsy latsaky ny telo izany ireo karana nisy naka an-keriny ankoatra ny tsy mbola hita toy teny Anosibe sy ny tany Toamasina. Miteraka fikorotanan-tsaina ho an’ny mponina ity raharaha ity. Ny masoivohon’i Frantsa teo aloha François Goldblatt dia efa nanome ampaham-baovao momba ireo teratany karana mizaka ny zom-pirenena frantsay sy anaran’ireo olona nahiahiana fa voakasik’ity raharaha kidnapping ity izay nisy manampahefana sy mpitandro ny filaminana teo anelanelan’ny 1995 sy 2013 ka izany angamba no tsy nampisy tohiny ny raharaha.

Andry Ratovo