Actualités

Soavimasoandro I Hassanaly Rajim Farouk ilay nisy naka an-keriny

Actualités
Alarobia 26 Aogositra 2015

I Hassanaly Rajim Farouk no anaran�ilay teratany karana nisy naka an-keriny afak� omaly tolak�andro teny Soavimasoandro

. Zanak karana mpanefoefo izay mivarotra kojakojana fiarakodia etsy Behoririka ny rain’i Rajim Farouk izay vao 20 taona monja. Araka ny fitantaran’ny manodidina dia jiolahy miisa dimy izay nirongo basy mahery vaika nitaingina fiara pick up nissan 4x4 miloko fotsy no naka an-keriny ity karana kely ity tokony ho tamin’ny 3 ora tolak’andro.Teny Soavimasoandro teo akaikin’ny toerana nisy ny toeram-piasan’ny rahalahin-drainy ihany no nisehoan’ny fakana an-keriny azy. Tao anatin’ny 15 andro dia ity izany no fakana an-keriny teratany karana niseho teto an-drenivohitra ankoatry ny hafa mbola tsy hita. Hatramin’ny omaly dia efa tsy nitsahatra ireo mpitandro ny filaminana eto an-drenivohitra ny manao ny fikarohana.

Andry Ratovo