Actualités

Soarano Tora-bato no nitsena ny polisin�ny tsena

Actualités
Alatsinainy 23 Aogositra 2010

Raikitra ny sakoroka teo Soarano amin’ny lalana mihazo an’Ambondrona iny ny sabotsy teo. Toy ny isan’andro dia tonga ny polisin’ny tsena, iraky ny Koaminina, manadio sy mandamina ny mpivarotra amoron-dalana. Tsy vitan-dresaka intsony fa mirodorodo ary mifaoka avy hatrany ny entan’ny mpivarotra ry zalahy. Tsy mihambahamba mihitsy eo am-panatanterahana ny asany. Tsy nanaiky lembenana kosa ny mpivarotra izay mahatsapa fa miharo hafetsifetsena ny asa tanterahin’ny polisin’ny tsena sasantsasany. Matetika no manjavona, any dia tsy hita, ny entan’izy ireo. Raikitra ny tora-bato raha ity teo Soarano tamin’ny sabotsy ity. Namonjy nifatratra tao anaty fiara mini bus nitondra azy ireo polisin’ny tsena. Vao mainka nitangoronan’ny mpivarotra teo.

Jean D.