Actualités

Partagé sur :
• facebook

“Tsy maintsy ahitantsika miaraka mpiara-miombona antoka ny famelomana ny sirama Maromamy ao anatin’ny 100 andro. Tsy hamidintsika amin’ny vahiny fa fiaraha-mientantsika miaraka amin’ny sehatra tsy miankina Malagasy…”

Izay no nambaran’ny minisitra indostria sy fampiroboroboana ny sehatra tsy miankina Rafidimanana Narson, izay nitsidika ny Sirama Maromamy Brickaville ny zoma teo. Nomarihany hatrany fa efa voaloan’ny fanjakana ny 7 Arivo tapitrisa vary mangatsiakan’ny orinasa teo anivon’ny Cnaps nanomboka ny taona 2010. “Sirama mandeha, Brickaville mandroso” no sorabaventy narantin’ireo mpiasan’ny sirama nombam-bady tao Maromamy Brickaville, satria efa ho 64 volana, 01 desambra 2009 hatramin’izao, no tsy an’asa ireo mpiasa miisa 326. Nisy ihany koa ny fanolorana ilay fanampiana fandrain’ireo mpiasa hany sisa tavela in-3 isan-taona, ny paska – ny 26 jona – ary ny faran’ny taona, izay mitentina 40.000 Ariary isany. An-kilan’ireo olana amin’ny mpiasa tsian’asa tao anatin’ny 6 taona latsaka, dia miaina ao anatin’ny fahasimbana tanteraka ny orinasa ankehitriny, manginy fotsiny koa ny fahamaizana nihatra taminy ny taona lasa ary ireo halatra ara-pitaovana sy vy ihany koa. Niaiky izany ny tale jeneralin’ny sirama Malagasy Rtoa Moussa Aissa, izay mbola nanamafy koa ny fisian’ireo olona miditra an-keriny sy mangalatra ny tanin’ny sirama Maromamy. Ankoatra izay dia miandry ny hisokafany ao anatin’ny RRI 100 andro ny minisiteran’ny indostria sy fampiroboroboana ny sehatra tsy miankina ihany koa ny orinasa maro nikatona noho ny krizy sy ny tetezamita, ka anisan’ireny ny orinasa ny vondrona Tiko izay namelona olona ana hetsiny sy mpiasa an’aliny ary reharehan’ny orinasa Malagasy ihany koa.

Rakoutou

Tia Tanindrazana

Samia mijoro ho an'i Gasikara.