Actualités

Sherritt Ambatovy Mety hanala orinasa mpiara-miasa indray

Actualités
Zoma 04 Desambra 2015

Mandalo fotoan-tsarotra ny orinasa mpamokatra nikela ao Ambatovy. Ny antony voalohany araka ny hita ao amin�ny tatitra ataon�ny radio frantsay RFI dia ny fidinan�ny vidin�ny nikela eo amin�ny tsena iraisam-pirenena izay lasa 8 000 dolara ny iray taonina ankehitriny. Izany hoe nidina hatrany amin�ny 1/6 ny vidin�ity akora ity hatramin�ny nisokafan�ny orinasa hatramin�ny taona 2007.

Araka ny fanambaran’Atoa Tim Dobson, tale jeneralin’ny orinasa mpitrandraka nikela any Ambatovy ihany koa dia nisy fiantraikany amin’ny fitantanana ara-bolan’ny orinasa ihany koa ny trosan’ny orinasa izay mitentina 175 tapitrisa dolara hatrany tsy voaloan’ny fanjakana. Tamberin’ny hetra TVA hatramin’ny taona 2012 io vola io araka ny fanazavana. Tsy mbola hisy aloha ny fandroahana mpiasa raikitra araka ny fantatra saingy ny fifanarahana amin’ireo orinasa mpiara-miasa amin’ny orinasa Ambatovy no mety hisy fiatoany na fahatapahany tanteraka mihintsy. Marihina fa ireo orinasa mpiara-miasa amin’ny orinasa mpitrandraka nikela ao Ambatovy ireo dia mampiasa ny 2/3-n’ny mpiasa 9000 izay mpampihodina ity orinasa mpitrandraka nikela anisan’ny lehibe indrindra aty Afrika ity.

Andry Ratovo