Actualités

Seranam-piaramanidina Ivato Ho avy Rtoa Lalao Ravalomanana ?

Actualités
Talata 04 Desambra 2012

Tsy mbola mampandry saina ny FAT ihany hatramin�izao ny fotoana mety hahatongavan�ny filoha Marc Ravalomanana sy ny vady aman-janany eto Madagasikara, indrindra amin�izao ankatoky ny fanomanana ny fifidianana izao.

Niely teto an-drenivohitra ny feo omaly, fa ho avy Rtoa Lalao Ravalomanana, vadin’ny filoha teo aloha, ka be no nikoropaka. Tonga hatramin’ny filazana fa hoe : nofoanana hatramin’ny zotra-piaramanidina miazo ny faritra mihitsy sy ny hoe nakatona ny seranam-piaramanidina Ivato noho izay antony izay.

Vokany, tsy nijanona nibobobobo ny findain’ireo tompon’andraikitra eo anivon’ity seranana ity nanontaniana marina ny mikasika ny zava-misy. Araka ny resaka nifanaovanay tamin-dRazafitsiandraofa Brunel, kaomisera tompon’andraikitra voalohany misahana ny sisintany eny Ivato dia milamina tsy nisy na inona na inona nitranga tao amin’ity seranana ity omaly. Nizotra araka tsy nisy fiofana koa ireo fiaramanidina mihazo ny faritra, izay midika fa nisokatra hatrany ny seranam-piaramanidina Ivato. Olona te-hanakorontana fotsiny no nanely ny feo, hoy ihany ity tompon’andraikitra amin’izay misavoritaka ny rehetra.

Pati