Actualités

Sendikan�ny mpitsabo mpiasam-panjakana �Tsy mangataka izahay fa mitaky ��

Actualités
Zoma 12 Novambra 2010

Manamafy ny fitakiany amin�ny alalan�ny fitokonana isan�andro manomboka amin�ity zoma ity ireo mpitsabo mpiasam-panjakana, ary tsy hilefitra mihitsy raha tsy hita ny vahaolana.

Fampiharana ny mari-karama vaovao sy fanatanterahana izay efa voasoratra moa no takian’izy ireo. Eo ny fitakiana ny hamoahana ny didy fampiharana momba ireo tambi-karama telo, dia ny « indemnité de logement » mitentina 100 000 ariary, ny « indemnité d’entretient » 100 000 ariary ary « indemnité de transport » mitentina 60 000 ariary. Tambin-karama mitotaly 260 000 isam-bolana izany no notakian’ireto dokotera ireto. Nanambara moa Atoa Ndatason Frederic filohan’ny sendikan’ny mpitsabo mpiasam-panjakana fa manaraka izao hetsika izao avokoa ny any amin’ireo faritra 22 ary hatramin’izao dia 3 000 ny isan’ireo dokotera ireo manerana ny nosy raha ny « fiche d’adhésion » voaray eto Antananarivo no jerena. Nilaza anefa izy ireo fa tsy manana fahefana hanidy ny hopitaly ary tsy mieritreritra mihitsy ny hanao sorona ny marary, araka ny vaovao aely etsy sy eroa. Tsy mangataka izahay fa mitaky ny fampiharana ny zavatra efa vita Sonia, hoy ihany Ndatason Frederic ary vonona ihany koa hifampidinika amin’ny manampahefana sy hikaroka ny marimaritra iraisana. Manomboka amin’ny 8 ora maraina indray moa no mifanome fotoana eny amin’ny HJRA ireto mpitsabo ireto ary hanohy ny fitokonana.

Nangonin’i RTT