Actualités

Salon De L�emploi Et De La Formation Hanomezana asa manodidina ny 1500 isa

Actualités
Alakamisy 23 Febroary 2017

Miezaka hatrany manampy ireo tanora tsy an�asa eto amintsika ny ivontoerana mpikarakara olona mitady asa MRH (Maganement Ressources Humaines).

Tolotr’asa manodidina ny 1500 isa indray no harantiny etsy amin’ny lapan’ny kolontsaina sy ny fanatanjahantena etsy Mahamasina nanomboka omaly, ao anatin’ilay hetsika “Salon de l’emploi et de la formation” andiany fahasivy. Tanora an’arivony sahady no tonga namaly ny antso omaly, antony nanosika ny Ministry ny fampianarana teknika sy ny fanofanana arak’asa Rasoarimalala Toto Marie Lydia nanao antso avo tamin’ireo ivontoeram-panofanana arak’asa mba tsy hanao kitoatoa amin’ny fanofanana ireny tanorantsika ireny. Ny mampalahelo, na betsaka aza ny tolotr’asa nefa tsy mahafa-po ny orinasa ilay tanora dia very maina fotsiny ihany ny ezaka ataon’ireny ivontoerana mpikarakara olona mitady asa ireny. Nohamarinin’Andriamatoa Mohamedaly Rafik, tompon’andraikitra eo anivon’ny MRH izany satria raha nahatratra 70.400 ireo tolotr’asa nomen’izy ireo , tao anatin’izay andiany valo efa vita izay dia ny olona miisa 2.100 monja no nahita asa noho ny fahamaivanan’ny traikefa sy fahaizana nananan’ilay mpitady asa. Hifarana anio ny hetsika.