Actualités

Sahanivotry Manandona Nahazo lakana indray ny mponina

Actualités
Alarobia 18 Martsa 2015

Afa-pahasahiranana indray ny mponina ao amin�ny kaominina Sahanivotry Manandona fa vita ny lakam-by fampiasan�izy ireo. Fokontany roa no tena nisedra olana tamin�ny tsy fisian�ny lakana dia ny fokontany Maromanana sy Ambatolahy. Efa nisy lakam-by hatramin�izay fa teo ny lasan�ny ranobe ary ny iray vaky ka noraisin�Atoa Randrianantenaina Jos�,

solombavambahoakan’Antsirabe faharoa ny fanamboarana azy. Ny 65%-n’ny mpianatry ny CEG dia eny am-pita andrefan’ny kaominina avokoa izay tsy afa-nianatra mihitsy nandritra ny ranobe, hoy Rakotoniaina Harison, Lehiben’ny fokontany Ambatolahy. Olana ihany koa ny fitateram-bokatra ho an’ireo tantsaha satria ny lakana hazo dia tsy mahazaka firy. Ity lakam-by ity moa dia mahazaka mpianatra 20 mahery ary mahazaka vokatra bebe kokoa. Nambaran’ny solombavambahoaka fa tsy vao izao no nanolorany lakana ho an’ny mponina tao an-toerana. Mirefy 8 metatra ny halavan’ity lakana ity izay nitetim-bidy 7 hetsy ariary ny fanamboarana azy, efatra hetsy sy roa tapitrisa ny vaovao.

Caïus R