Actualités

Sabotsy Namehana Trano 109 tsy maintsy horavana

Actualités
Zoma 22 Mey 2015

Trano miisa 109 manamorona ny arabe avy eo Andombotany Ankadikely ka hatreny amin�ny tsenan�i Sabotsy Namehana no tsy maintsy horavana mba hahafahana mampitombo ny lalana eny Antananarivo Avaradrano iny. Araka ny fanambaran�ny mponina eny an-toerana ihany koa

dia ny minisiteran’ny Fanajariana ny Tany no namoaka ny didy fandravana mba hisorohana ny fiakaran’ny rano amin’ny fotoanan’ny orana. Nolavin’ireo mponina eny an-toerana anefa io fanapahan-kevitry ny fanjakana io ka raha nandre izy ireo fa handalo teny an-toerana ny Filoha Hery Rajaonarimampianina omaly nitokana tetezana iray mampitohy ny lalam-pirenena faharoa sy fahatelo iny dia nivoaka nitondra sorabaventy maneho ny fandavany izany fandravana trano izany ny mponina. Efa nisy ny taratasy fanohanana nataon’ny mponina teny an-toerana nalefa tany amin’ny fanjakana foibe araka ny vaovao azo saingy tsy mbola nahitam-baliny. Navoaka avokoa moa ny ankamaroan’ireo mpianatra madinika teny an-toerana omaly mba hitsena an’Atoa Filoha.